O trimestre pasado estivemos a traballar a paisaxe e aprendemos unha chea de cousas. Por exemplo para ver en que se parecen e en que se diferencian as paisaxes de costa e de interior fixemos un compara e contrasta. Tamén aprendemos que poden ser naturais ou humanizadas xa que os humanos modificámolas, que as construcións son boas, sempre que cumpramos as leis, que a contaminación afecta moito ás paisaxes e que para protexer zonas únicas e singulares pola flora e fauna que albergan, créanse zonas protexidas para que non se acaben por destruír ou mesmo extinguir.
Por todo isto fixémonos expertos nun Parque Nacional de España e despois contámoslles aos nosos compañeiros porqué recibiu esta catalogación. Ademais mostrámoslles moitas fotos empregando o jamboard ou murales para que así coñeceran estas zonas tan fermosas!! Cando nos deixen viaxar fora da nosa comunidade intentaremos comprobar a beleza que teñen en directo, polo momento conformámonos con gozar do Parque Nacional das Illas Atlánticas que xa todos coñecemos moi ben.
