Os cursos de 3º e 4º EP atopámonos inmersos no proxecto “Deporte
e saúde”, que é, dalgún xeito, moi especial, posto que todos os centros de ” La
Grande Obra” de Galicia o estamos traballando de maneira coordinada.
Comezamos coa imaxe dunha bicicleta feita, completamente, de
alimentos e, a partir dela, puxemos en práctica a rutina de pensamento “Vexo,
penso, pregúntome”. A continuación, desmenuzámola íntegramente, o que deu paso
a unha gran choiva de ideas.
Finalmente, chegamos á conclusión da importancia de levar
unha vida equilibrada e saudable. Baseándonos
en todas as ideas que xurdiran na actividade anterior establecemos varias categorías:
descanso, boa e mala alimentación, deporte, hábitos posturais e aseo e hixiene.
Seguidamente, en equipos de traballo cooperativo,
repartímonos as distintas categorías desta
clasificación e comezamos a buscar
información, facéndose cada grupo experto nun tema para poder expoñelo ao resto dos compañeiros. Tamén elaboramos un
mapa mental coas primeiras informacións que tivemos.
Por outro lado, descubrimos algunhas das obras de
Arcimboldo, feitas todas con alimentos, recomendámosvos que, se non o
coñecedes, miredes os seus traballos, posto que son ben curiosos e dignos dun
artista. Chamounos tanto a atención a súa obra que decidimos improvisar nós
tamén cos elementos que el traballaba e facer composiciós e, a verdade, e que
non nos quedaron nada mal!
Seguimos á expectativa de como continuará o proxecto, xa que
próximamente teremos a visita dunha experta nutricionista. Xa vos seguiremos
contando como avanza, estade moi atentos!
!
No hay comentarios:
Publicar un comentario